খ্ৰীষ্টমাছ হৈছে যীশুৰ জন্মদিন উদযাপনৰ বাবে পালন কৰা এক উৎসৱ। খ্ৰীষ্টান ধৰ্মাৱলম্বী লোকসকলৰ বাবে ইশ্বৰৰ এটি অৱতাৰস্বৰূপ যীশুখ্ৰীষ্টৰ আৱিৰ্ভাৱ এই দিনটোতেই হোৱা বুলি বিশ্বাস কৰা হয় সমগ্ৰ বিশ্বতে। জেৰুজালেমৰ বেথেলহেমত এটি গোহালিত মাতৃ মেৰীৰ ঔৰসত দৈৱ আশীৰ্বাদত জন্ম গ্ৰহণ কৰিছিল যীশুৱে ।খ্ৰীষ্টমাছ দুটা শব্দৰে গঠিত “Christ” আৰু “Mass”৷ যাৰ অৰ্থ হৈছে যীশু খ্ৰীষ্টৰ পবিত্ৰ মাহ৷ সমগ্ৰ বিশ্বতে প্ৰতি বছৰে ২৫ ডিচেম্বৰত বৰদিন পালন কৰা হয়৷ এই দিনটো খ্ৰীষ্টান ধৰ্মৰ প্ৰতিষ্ঠাপক যীশু খ্ৰীষ্টৰ জন্মদিন হিচাপে পালন কৰা হয়৷ মানুহে এমাহ আগতেই বৰদিনৰ বাবে প্ৰস্তুতি আৰম্ভ কৰে৷ ইয়াৰ বাবে তেওঁলোকে নিজৰ ঘৰখন বিভিন্ন লাইট, খ্ৰীষ্টমাছ ট্ৰিৰ দ্বাৰা সজাই তোলে৷ সাধাৰণতে যীশু খ্ৰীষ্টৰ জন্মৰ তাৰিখ বাইবেলত উল্লেখ কৰা হোৱা নাই৷ সেয়েহে কেৱল বিশ্বাসৰ ভিত্তিত ইয়াক উদযাপন কৰা হয়৷
বৰদিনত খ্ৰীষ্টমাছ ট্ৰিৰ বাহিৰেও খুবেই জনপ্ৰিয় হৈছে চান্টাক্লজ। চান্তা সম্পৰ্কে আমাৰ ধাৰণা সৰুৰে পৰাই এনেকুৱা যে এজন আনন্দময় বুঢ়া মানুহৰ সৈতে দাড়ি, স্লেজ, ৰেণ্ডিয়াৰ আৰু উপহাৰ, উত্তৰ আৰু ঠাণ্ডা ক’ৰবাত বাস কৰে। চান্টাক্লজক চেন্ট নিকোলাছৰ এটা ৰূপ বুলি গণ্য কৰা হয়। দৰাচলতে চেইন্ট নিকোলাছৰ সৰুৰে পৰা প্ৰভু যীশুৰ ওপৰত গভীৰ বিশ্বাস আছিল, তাৰ পিছত তেওঁ ডাঙৰ হৈ খ্ৰীষ্টান ধৰ্মৰ যাজক আৰু পিছলৈ বিশ্বপ হৈছিল। চেন্ট নিকোলাছে শিশুক বহুত ভাল পাইছিল, যাৰ বাবে তেওঁ আৰ্ত শিশুক উপহাৰ দিবলৈ গৈছিল। চান্টাই সদায় মাজনিশা সকলো উপহাৰ দিছিল কাৰণ তেওঁ নিজৰ পৰিচয় সকলোৰে আগত প্ৰকাশ কৰিব বিচৰা নাছিল। ফিনলেণ্ড আৰু স্ক্যাণ্ডিনেভিয়াৰ দেশৰ মধ্যযুগীয় আৰু পৌত্তলিক পৌৰাণিক কাহিনীবোৰে চান্তাক নিজৰ বুলি দাবী কৰাত কিছু বিশ্বাসযোগ্যতা প্ৰদান কৰে, কিয়নো এই কিংবদন্তিবোৰৰ শিপা অতি প্ৰাচীন। ইফালে আন দেশসমূহে অধিক সমসাময়িক দৃষ্টিভংগী গ্ৰহণ কৰে। কেইবাখনো দেশে চন্তাক নিজৰ এজন নাগৰিক বুলি দাবী কৰিবলৈ এক ধৰণৰ প্ৰতিযোগিতাত অৱতীৰ্ণ হৈছে। ফিনলেণ্ডৰ পৰ্যটন উদ্যোগে প্ৰকাশ কৰে যে লেপলেণ্ডৰ কোৰভাটুন্টুৰীত চান্তাই নিজৰ কৰ্মশালা ৰাখে। চান্তা আৰু লেপলেণ্ডৰ মাজৰ সংযোগে লাখ লাখ পৰ্যটকৰ ধন আনে। ডেনমাৰ্কে কয় যে চান্তা গ্ৰীনলেণ্ডত আছে। ছুইডেনে মোৰাক ঠাই বুলি মত প্ৰকাশ কৰিছে, আৰু থিম পাৰ্ক চান্টাৱৰ্ল্ড নিৰ্মাণ কৰিছে। আন দেশসমূহে অধিক আধুনিক পন্থা গ্ৰহণ কৰে। কানাডা চৰকাৰে চন্তাক কানাডাৰ আকাশমাৰ্গৰ মাজেৰে যাত্ৰা কৰিবলৈ অনুমতি দি প্ৰতি বছৰে বৰদিন হোৱাটো নিশ্চিত কৰে। সেই কথা আৰু এখোজ আগুৱাই লৈ গৈ ২০১৩ চনত ষ্টিফেন হাৰ্পাৰৰ কনজাৰ্ভেটিভ চৰকাৰে চান্টা আৰু তেওঁৰ পত্নীক কানাডাৰ পাছপ’ৰ্ট প্ৰদান কৰে।
আচলতে খ্ৰীষ্টমাছ ট্ৰিৰ সন্দৰ্ভত প্ৰচলিত আছে বহু ধৰণৰ বিশ্বাস। এটা বিশ্বাস অনুসৰি ইয়াক আৰম্ভ কৰিছিল ষোড়শ শতিকাৰ খ্ৰীষ্টান সংস্কাৰক মাৰ্টিন লুথাৰে। ২৪ ডিচেম্বৰৰ সন্ধিয়া মাৰ্টিন লুথাৰে বৰফৰ অৰণ্যৰ মাজেৰে খোজ কাঢ়ি গৈ থাকোঁতে এজোপা চিৰসেউজ গছ দেখিছিল। গছৰ ডালবোৰ চন্দ্ৰৰ পোহৰেৰে জিলিকি উঠিছিল। ইয়াৰ পিছত মাৰ্টিন লুথাৰেও নিজৰ ঘৰত এই চিৰসেউজ বৃক্ষজোপা ৰোপণ কৰি সৰু সৰু মমবাতিৰে সজাইছিল। ইয়াৰ পিছত যীশু খ্ৰীষ্টৰ জন্মদিনৰ সন্মানত তেওঁ এই চিৰসেউজ গছজোপাকো সজাই মমবাতিৰ পোহৰেৰে এই গছজোপা আলোকিত কৰে। বিশ্বাস কৰা হয় যে তেতিয়াৰ পৰাই বৰদিনৰ বৃক্ষ ৰোপণৰ পৰম্পৰা আৰম্ভ হৈছিল ।কোৱা হয় যে, খ্ৰীষ্টপূৰ্ব ৩৩৬ চনত যীশু খ্ৰীষ্টৰ অনুগামী প্ৰথম খ্ৰীষ্টান ৰোমান সম্ৰাটে প্ৰথমবাৰৰ বাবে ২৫ ডিচেম্বৰক যীশু খ্ৰীষ্টৰ জন্মদিন হিচাপে পালন কৰিছিল৷ পিছত কিছু বছৰৰ পাছত পোপ জুলিয়াছেও এই দিনটো যীশু খ্ৰীষ্টৰ জন্মদিন হিচাপে পালন কৰাৰ আনুষ্ঠানিক ঘোষণা কৰে৷ তেতিয়াৰ পৰাই ২৫ ডিচেম্বৰক যীশু খ্ৰীষ্টৰ জন্মদিন হিচাপে পালন কৰাৰ পৰম্পৰা চলি আহিছে৷ কিন্তু এই বিষয়ত বিতৰ্ক অব্যাহত আছে যদিও বিশ্বাসৰ ভিত্তিত এই দিনটো বৰদিন হিচাপে পালন কৰা হয় বুলিও সত্য৷
