ভাৰতৰ “চিকেন নেক” বোলাতেই অসমৰ পৰা উত্তৰ-পূৰ্বাঞ্চলৰ ৰাজ্যসমূহলৈ যোৱা ২২ কি.মি. দৈৰ্ঘ্যৰ এক সংকীৰ্ণ ভূখণ্ডৰ কথা বুজোৱা হয়। এই চিকেন নেকক আন আনুষ্ঠানিক ভাষাত “শিলিগুৰি কৰিড’ৰ” বুলি জনা যায়। এই শিলিগুৰি কৰিড’ৰ বা ‘চিকেন নেক’ হ’ল উত্তৰ-পূব ভাৰতক দেশৰ সৈতে সংযোগ কৰা এটা অংশ। যিটো অংশৰ জৰিয়তে উত্তৰ-পূবৰ সাতখন ৰাজ্যই দেশৰ আন প্ৰান্তৰ সৈতে সংযোগ স্থাপন কৰে। ইয়াৰ দুয়োফালে আছে বাংলাদেশ আৰু নেপালৰ আন্তঃৰাষ্ট্ৰীয় সীমা। এই কৰিডৰটো পশ্চিম বংগৰ দাৰ্জিলিং, জলপাইগুৰি আৰু তৰাই অঞ্চলৰ পৰা উত্তৰ-পূব দিশলৈ বিস্তৃত হৈ আছে। শিলিগুৰি কৰিড’ৰ কৌশলগতভাৱে গুৰুত্বপূৰ্ণ আৰু অতি স্পৰ্শকাতৰ ভূখণ্ড, কিয়নো ই ভাৰতৰ উত্তৰ-পূবৰ আঠখন ৰাজ্য আৰু দেশৰ বাকী অংশৰ মাজত একমাত্ৰ দলং হৈয়েই আছে। পশ্চিম বংগ, ছিকিম, অসম, নেপাল, ভূটান আৰু বাংলাদেশৰ বাবে এই অঞ্চলটো বাণিজ্য, বাণিজ্য আৰু পৰ্যটনৰ বাবে গুৰুত্বপূৰ্ণ। উত্তৰ-পূৰ্বাঞ্চল আৰু দেশৰ বাকী অংশৰ মাজত সকলো ভূমি বাণিজ্য এই কৰিড’ৰৰ মাজেৰেই হয়। এই কৰিড’ৰটো অসম, নাগালেণ্ড, ছিকিমকে ধৰি উত্তৰ-পূৰ্বাঞ্চলৰ সৈতে পশ্চিম বংগ আৰু ভাৰতৰ বাকী অংশক সংযোগ কৰা ৰে’ল আৰু পথ নেটৱৰ্কৰ কেন্দ্ৰস্থল ।আকৌ এই পথ অৰুণাচল প্ৰদেশৰ কৌশলগতভাৱে গুৰুত্বপূৰ্ণ টাৱাং চহৰৰ দিশে আগবাঢ়িছে।
ভূ-ৰাজনৈতিক আৰু কৌশলগত দৃষ্টিকোণৰ পৰা ই ভাৰতৰ বাবে এক অতি গুৰুত্বপূর্ণ অঞ্চল। এই চিকেন নেকৰ পৰা পশ্চিম বংগত থকা শিলিগুৰি ঠাইখন ভাৰতৰ উত্তৰ-পূৰ্বাঞ্চলৰ ৰাজ্যসমূহ, নেপাল, ভুটান, আৰু বাংলাদেশৰ সৈতে সংযোগ স্থাপন কৰে। চিকেন নেকৰ সংকীৰ্ণ ভূখণ্ডটোকে লক্ষ্য কৰি পাৰ্শ্বৱৰ্তী দেশ চীন আৰু বাংলাদেশৰ দ্বাৰা বিপদ সৃষ্টিৰ সম্ভাৱনা ভয়ানক । চীনে ইয়াক এক দুর্বল স্থান হিচাপে পৰিগণনা কৰি সামৰিক শক্তিৰ পৰা ব্যৱসায়িক ক্ষেত্ৰত চাপ দিয়াৰ চেষ্টা কৰিব পাৰে। ভাৰতৰ ভূখণ্ডৰ অখণ্ডতা বজাই ৰখাৰ বাবে এই কৰিড’ৰটো অতি গুৰুত্বপূৰ্ণ। বিশেষকৈ ছিকিম আৰু অৰুণাচল প্ৰদেশৰ ফৰৱাৰ্ড ঘাটিত প্ৰৱেশৰ বাবে ভাৰতীয় সেনাৰ বাবে এই কৰিড’ৰে এক গুৰুত্বপূৰ্ণ যোগান পথ হিচাপে কাম কৰে। এই অঞ্চলটো দাৰ্জিলিং, গেংটক, ভূটানৰ দৰে গন্তব্যস্থানলৈ পৰ্যটনৰ ভিত্তি, স্থানীয় আৰু ৰাষ্ট্ৰীয় অৰ্থনীতিত যথেষ্ট অৰিহণা যোগায়। এই কৰিড’ৰে এক্ট ইষ্ট পলিচিৰ দৰে পদক্ষেপক সমৰ্থন কৰে , যাৰ লক্ষ্য হৈছে উত্তৰ-পূবৰ ৰাজ্যসমূহক অৰ্থনৈতিক উন্নয়নৰ বাবে দক্ষিণ-পূব এছিয়াৰ সৈতে একত্ৰিত কৰা।
সময়ে সময়ে ই বৃহৎ প্ৰত্যাহ্বানৰ সন্মুখীন হৈ আহিছে, বিশেষকৈ নিৰাপত্তা জনিত কাৰণত। চীন-ভূটান সীমান্ত আৰু দক্ষিণে বাংলাদেশ সীমান্তৰ ওচৰত থকাৰ পৰিপ্ৰেক্ষিতত এই অঞ্চলটো বহিঃৰাজ্যৰ ভাবুকিৰ সন্মুখীন হ’বলগীয়া হৈছে। সীমা অতিক্ৰম কৰি সন্ত্ৰাসবাদ, অবৈধ প্ৰব্ৰজন, বাংলাদেশৰ পৰা চোৰাংচোৱাগিৰি আদিয়ে নিৰাপত্তাজনিত প্ৰত্যাহ্বান বৃদ্ধি কৰে। অঞ্চলটোত বিগত সময়ত বিদ্ৰোহৰ সমস্যা দেখা গৈছে, যাৰ বাবে অহৰহ সতৰ্কতাৰ প্ৰয়োজন। আনহাতে কৰিড’ৰৰ সংকীৰ্ণ প্ৰস্থৰ বাবে ইয়াক বানপানী আৰু ভূমিকম্পৰ দৰে প্ৰাকৃতিক দুৰ্যোগৰ প্ৰতি অত্যন্ত ক্ষতিকাৰক কৰি তোলা হৈছে, যিয়ে সংযোগত ব্যাঘাত জন্মাব পাৰে। আকৌ গুৰুত্বপূৰ্ণ সত্ত্বেও কৰিডৰটোৱে আন্তঃগাঁথনিগত ঘাটিৰ সন্মুখীন হৈছে, য’ত পথ আৰু ৰে’ল সংযোগৰ দুৰ্বলতা, দক্ষ পৰিবহণত বাধাৰ সৃষ্টি হৈছে।
চিকেন নেক’ বা শিলিগুৰি কৰিড’ৰক লৈ বিদেশৰ বিভিন্ন চোৰাংচোৱা সংস্থাবিলাকে অহৰহ অঞ্চলটোক অশান্ত কৰিবলৈ নিজৰ নিজৰ কাৰ্যক্ৰমণিকা চলাই আছে। অতি সম্প্রতি চুবুৰীয়া ৰাষ্ট্ৰ বাংলাদেশত ছাত্র আন্দোলনৰ হতুৱাই গণতান্ত্রিকভাবে নির্বাচিত প্ৰধানমন্ত্ৰীৰ পদৰ পৰা পদত্যাগ কৰি নিজ দেশৰ পৰা একপ্ৰকাৰ বিতাড়িত হৈ ভাৰতবৰ্ষত আশ্রয় লৈ আছে বাংলাদেশৰ প্ৰাক্তন প্রধানমন্ত্রী শেখ হাছিনা।
ভাৰতবৰ্ষৰ সাতভনীৰ দেশত বিদেশী চোৰাংচোৱা সংস্থাসমূহে তেওঁলোকৰ কার্যপ্রণালী নিজা নিজা কার্যসূচী মতে সংগোপনে সমাধান কৰি আছে। অসম, নগালেণ্ড, মণিপুৰ, মিজোৰাম, ত্ৰিপুৰা, মেঘালয় আৰু অৰুণাচল প্রদেশত বিচ্ছিন্নতাবাদী ভাবধাৰাৰে বিভিন্ন সংগঠনৰ জন্ম হৈ আছে। তেওঁলোকে উপলব্ধি কৰে যে মূল দেশৰ চৰকাৰে এই অঞ্চলসমূহক বঞ্চিত কৰি আছে। এই আবেগক বিদেশী চোৰাংচোৱা সংস্থাই বিদ্ৰোহৰ ৰূপ দিয়াৰ ব্লু- প্রিন্ট ৰচনা কৰি আছে। বাংলাদেশৰ মূলমন্ত্র হ’ল- সাতভনীৰ দেশ আৰু পশ্চিম বংগক লৈ বাংলাদেশক বৃহৎ বাংলাস্থান সৃষ্টিৰ বাবে অহৰহ প্ৰচেষ্টা চলোৱা । অসমৰ চুকে- কোণে তেওঁলোকৰ শিপাৰ চেলৰ কার্যকর্তাসকলে বিভিন্ন ধৰণেৰে বিভিন্ন ৰূপেৰে বসবাসৰ সুবিধা কৰি লৈ আছে। অসমৰ নামনিৰ পৰা উজনিৰ লগতে সাতভনীৰ দেশৰ বিভিন্ন প্রান্তত অবাধেই নানান ৰূপত খোপনি পোতাৰ কথা পোহৰলৈ আহি আছে। এইক্ষেত্রত কেন্দ্রীয় তথা ৰাজ্যিক চোৰাংচোৱা সংস্থাসমূহ আগতকৈ সক্রিয় নহ’লে বিচ্ছিন্নতাবাদী মতবাদ তীব্ৰ কৰাৰ বাবে বিদেশী চোৰাংচোৱা সংস্থাসমূহে গোপনে তেওঁলোকৰ কাৰ্যপন্থা চলাই থাকিব। আনহাতে, অবৈধ বাংলাদেশী নাগৰিকে অবৈধভাবে সীমান্ত পাৰ হৈ ভাৰতবৰ্ষত অনুপ্ৰৱেশৰ কাৰ্য অব্যাহত আছে। এইক্ষেত্ৰত মধ্যভোগীৰ জৰিয়তে অনুপ্ৰৱেশ হৈ আছে বুলি পোহৰলৈ আহিছে। অবৈধ অনুপ্ৰৱেশকাৰী অকল বাংলাদেশৰ পৰাই হৈ আছে। ভাৰতীয় নাগৰিক অবৈধভাৱে বাংলাদেশলৈ অনুপ্রৱেশৰ উদাহৰণ কিন্তু নাই। ভাৰত-বাংলাদেশ সীমান্তত যেনেকৈ অনুপ্ৰৱেশৰ সমস্যা ঠিক তেনেকৈ আনটো প্রান্তত ভাৰত-পাকিস্তান সীমান্তত সন্ত্রাসবাদী কার্যকলাপে ভাৰতবৰ্ষত হিংসাৰ বাতাৱৰণৰ সৃষ্টি কৰি আহিছে। বাংলাদেশত ৰাজনৈতিক পট্ পৰিৱৰ্তনৰ পাছত চুবুৰীয়া দেশখনত হিন্দু-মুছলমানৰ সংঘৰ্ষত আমাৰ দেশখনতো প্ৰভাৱ পৰাৰ সম্ভাৱনা আহিব পাৰে। ইতিমধ্যে ইউৰোপৰ দেশ বিশেষকৈ ইটালি, জার্মানি, ব্রিটেইন, অস্ট্রেলিয়া আৰু ছুইডেন আদিত মুছলমান শৰণাৰ্থী তথা ভিক্ষাৰীসকলক অনৈতিক কাৰ্যকলাপৰ বাবে দেশসমূহৰ পৰা বিতাড়িত কৰাৰ কাৰ্যর্যপন্থা হাতত লৈছে। বাংলাদেশৰ অন্তৰ্বর্তীকালীন চৰকাৰখনে সন্ত্রাসবাদী নেতাসকলক কাৰাগাৰৰ পৰা মুক্ত কৰি দিয়াৰ ফলত বিশেষকৈ জছিমুদ্দিন ৰেহমানীয়ে ভাৰত-বিৰোধী কার্যকলাপ তীব্র কৰাৰ কথা পোহৰলৈ আহিছে। চৰকাৰৰ উপদেষ্টাসকলেও ভাৰত-বিৰোধী মনোভাব তীব্ৰ হোৱাটো পোহৰলৈ লৈ আহিছে। যাৰ বাংলাদেশৰ অন্তৰ্বর্তীকালীন চৰকাৰখনে সন্ত্রাসবাদী নেতাসকলক কাৰাগাৰৰ পৰা মুক্ত কৰি দিয়াৰ ফলত বিশেষকৈ জছিমুদ্দিন ৰেহমানীয়ে ভাৰত-বিৰোধী কার্যকলাপ তীব্র কৰাৰ কথা পোহৰলৈ আহিছে। চৰকাৰৰ উপদেষ্টাসকলেও ভাৰত-বিৰোধী মনোভাব তীব্ৰ হোৱাটো পোহৰলৈ লৈ আহিছে। যাৰ ফলত প্রতিবেশী দেশ দুখনত বিৰূপ প্রতিক্ৰিয়াৰ সৃষ্টি কৰিছে।
জামাত আল কায়দা, আনছাৰুল্লা আদি সংগঠনৰ গোপন এটি লক্ষ্য হৈছে অপাৰেশ্যন পিন কোডৰ জৰিয়তে বাংলাদেশ আৰু ভাৰতবৰ্ষৰ সীমামূৰীয়া অঞ্চলত বিভিন্ন কৌশল অৱলম্বন কৰি অবৈধভাবে তেওঁলোকৰ বসতি স্থাপনৰ পৰিকল্পনা কৰা। আনকি বসবাস কৰি সেই অঞ্চলৰ জনগাঁথনি সলনি বা পৰিৱৰ্তন কৰাই অঞ্চলটোত প্রভুত্ব প্রতিষ্ঠা কৰা। ইতিমধ্যে বাংলাদেশৰ চট্টগ্রাম পার্বত্য অঞ্চলত উক্ত অপাৰেশ্যন পিন কোডৰ জৰিয়তে সাধাৰণ মুছলমান মানুহৰ বসতি স্থাপন কৰি তেওঁলোকৰ জনগাঁথনিত প্ৰভাৱ বিস্তাৰ কৰিছে। বর্তমান উক্ত অঞ্চলত পাহাৰী চাকমা উপ-জাতিৰ লোকৰ সৈতে অহৰহ সংঘৰ্ষত লিপ্ত হোৱা দেখা গৈছে। বাংলাদেশ চৰকাৰেও এইক্ষেত্রত অগ্রণী ভূমিকা লোৱা দৈখা গৈছে। চট্টগ্রাম পার্বত্য অঞ্চলটোত হিন্দু, বৌদ্ধ, খ্রীষ্টান, চাকমা, মাৰমাসকলৰ ওপৰত বিভিন্ন নির্যাতন কৰি তেওঁলোকক ব্যতিব্যস্ত কৰি আছে। অনুৰূপভাবে উক্ত মিছন অনুযায়ী ভাৰতবৰ্ষৰ পশ্চিম বংগ, বিহাৰ, ঝাৰখণ্ডৰ লগতে উত্তৰ-পূবৰ সাতভনীৰ দেশত জনগাঁথনি সলনি কৰাৰ প্রচেষ্টা অব্যাহত ৰাখিছে। অসমৰ অবিভক্ত গোৱালপাৰা, বৰপেটা, নলবাৰী, কামৰূপ, দৰং, নগাঁও, লখিমপুৰ, মেঘালয়ৰ গাৰোপাহাৰ, খাচিয়া পাহাৰ জিলা আৰু ত্ৰিপুৰা তেওঁলোকৰ মূল লক্ষ্যস্থান হৈ পৰিছে। ২০০৭ চনৰ পৰাই জেহাদী সংগঠনসমূহে আই এছ আইৰ সহযোগত অপাৰেশ্যন পিন কোডৰ অধীনত বিভিন্ন দালাল আৰু শ্লিপাৰ ছেলৰ লোকসকলৰ দ্বাৰা সুপৰিকল্পিতভাৱে কাৰ্য সম্পাদন কৰি আছে। ইতিমধ্যে অবৈধ নাগৰিকৰ অত্যাচাৰত দক্ষিণ শালমাৰাৰ মানকাচৰৰ এখন গাৰো গাঁৱৰ গাঁওবাসীয়ে গাঁও এৰি পলায়ন কৰিবলৈ বাধ্য হৈছে। ভাৰত তথা অসম চৰকাৰৰ চোৰাংচোৱা সংস্থা সজাগ হৈ থকাৰ সময় সমাগত। কেন্দ্ৰীয় আৰু ৰাজ্যিক চৰকাৰ কঠোৰ নহ’লে অনাগত দিনত দেশত অশান্তি সৃষ্টি হোৱাৰ সম্ভাৱনাই আছে।
বাংলাদেশত ঘাটি পাতি ভাৰতক অস্থিৰ কৰাৰ বাবে উঠিপৰি লাগিছে কেইবাটাও জেহাদী সংগঠনে। বাংলাদেশত ৰাজনৈতিক পট পৰিৱৰ্তনৰ পাছৰে পৰাই পাকিস্তানৰ পৃষ্ঠপোষকতাত শক্তিশালী হৈ উঠা ভাৰত- বিৰোধী এই জেহাদী সংগঠনবোৰৰ এতিয়া লক্ষ্য হৈ পৰিছে চিকেন নেক (শিলিগুৰি কৰিড’ৰ)। যিকোনো উপায়েৰে ‘চিকেন নেক’ত উত্তেজনা বৃদ্ধি কৰাৰ বাবে উঠিপৰি লগা এই জেহাদী সন্ত্রাসবাদীবোৰে উত্তৰ- পূৰ্বাঞ্চলক ভাৰতৰ পৰা বিচ্ছিন্ন কৰাৰো ষড়যন্ত্ৰ ৰচিছে। ‘চিকেন নেক’ত কঠোৰ নিৰাপত্তাৰ প্ৰয়োজন আহি পৰিছে । শেহতীয়াকৈ অসম, পশ্চিম বংগ আৰু কেৰালাত গ্ৰেপ্তাৰ কৰা কেইবাটাও জেহাদীৰ স্বীকাৰোক্তিত এই চাঞ্চল্যকৰ তথ্য পোহৰলৈ অহাৰ পাছতেই কেন্দ্ৰীয় চৰকাৰে পশ্চিম বংগ, অসমকে ধৰি উত্তৰ-পূৰ্বাঞ্চলৰ ৰাজ্যকেইখনক সতৰ্ক কৰি দিছে।
ভাৰতবৰ্ষৰ উত্তৰ-পূৰ্বাঞ্চলত বিদেশী সমস্যাৰ বাবে বিশেষকৈ জনগাঁথনিত যথেষ্ট প্ৰভাৱ পৰি আছে। মূল কাৰণটোৱে হৈছে বাংলাদেশৰ পৰা অবৈধভাবে হোৱা প্রব্রজন। কেৱল মুছলমান বাংলাদেশীয়ে নহয়, অন্যান্য সকলো আছে। বিশেষকৈ বাংলাদেশৰ চট্টগ্রাম পার্বত্য অঞ্চলৰ চাকমা সম্প্ৰদায়ৰ বহু লোক ত্ৰিপুৰা আৰু অৰুণাচলত অনুপ্রৱেশৰ কথা পোহৰলৈ আহিছে। ম্যানমাৰৰ চিন ৰাজ্য আৰু আৰাকান ৰাজ্যৰ পৰা বহু কুকি, মাৰমা আৰু ৰহিঙিয়াই অবৈধভাৱে অনুপ্ৰৱেশ কৰি আছে। ম্যানমাৰৰ সামৰিক শাসকে ৰহিঙিয়াসকলক বাংলাদেশী বুলি বিতাড়িত কৰাত তেওঁলোক উত্তৰ-পূৰ্বাঞ্চলৰ লগতে বাংলাদেশতো অনুপ্রৱেশ কৰিছে বুলি প্রকাশ। বাংলাদেশী নাগৰিকেও পশ্চিম বংগ আৰু ত্ৰিপুৰাৰে উত্তৰ-পূৰ্বাঞ্চলত অনুপ্রবেশ কৰা ঘটনা সংঘটিত হৈছে। কিয়নো ভাৰত- বাংলাদেশৰ উন্মুক্ত সীমান্তৰ বাবে সহজেই অনুপ্ৰৱেশৰ সুবিধা লাভ কৰিব পাৰে। অনুৰূপভাৱে ভাৰত-ম্যানমাৰৰ মাজতো উন্মুক্ত সীমান্তৰ বাবে সহজেই সীমান্ত অতিক্ৰম কৰিব পৰাৰ সুবিধা আছে। তেনেদৰে ভাৰত-নেপাল সীমান্ত উন্মুক্ত হৈ আছে। দুয়োখন দেশৰ নাগৰিকে সহজে যাতায়াত কৰিব পাৰে। ভাৰতৰ নাগৰিকে নেপাললৈ, নেপালৰ নাগৰিকে ভাৰতলৈ অনুপ্ৰৱেশ কৰিব পাৰে। কিছু এনেকুৱা নাগৰিকো আছে যাৰ উভয় দেশতে বৈধ নাগৰিকত্ব আছে। এনেবোৰ সুবিধাৰ বাবে সহজে অনুপ্ৰৱেশ কৰি নিগাজিকৈ বসতি পাতি লোৱাটোও পোহৰলৈ আহিছে। বর্তমান ভূটান চৰকাৰে তেওঁলোকৰ দেশলৈ পর্যটকসকলক প্রতিদিনে ১২০০ টকাকৈ ৰাজহ জমা লোৱাৰ ব্যৱস্থা কৰাৰ পৰা ভূটানলৈ সহজে যাব নোৱাৰি যদিও ভাৰতত প্ৰৱেশ কৰাত কোনো বাধা নিষেধ থকা দেখা প্রবেশ কৰাত কোনো বাধা নিষেধ থকা দেখা নাযায়। নেপাল আৰু ভূটানলৈ পাছপ’র্ট- ভিছা নোহোৱাকৈ যাতায়াত কৰাৰ সুবিধা আছে। কিন্তু বাংলাদেশৰ ক্ষেত্ৰত পাছপ’র্ট- ভিছা নোহোৱাকৈ যাতায়াত কৰিব পৰা নাযায়, কিন্তু উন্মুক্ত সীমান্তৰ বাবে অনুপ্ৰৱেশৰ ঘটনা ঘটি আছে। এইক্ষেত্রত বি এছ এফ আৰু বি জি বিয়ে তীক্ষ্ণ নজৰ দিব পাৰিলে সমস্যাটো কিছু সমাধান কৰিব পৰা যাব, কিন্তু দুয়োখন দেশৰ সীমান্তৰক্ষীৰে গা-এৰা মনোভাবে অনুপ্ৰৱেশৰ ঘটনা বৃদ্ধি পাই আহিছে। বাংলাদেশত গৃহ-যুদ্ধ সদৃশ পৰিস্থিতি: চুবুৰীয়া ৰাষ্ট্ৰ বাংলাদেশত সম্প্রতি সাম্প্রদায়িক সংঘাতে গৃহ যুদ্ধ সদৃশ পৰিস্থিতিৰ সৃষ্টি হৈ আছে। উগ্র মৌলবাদী সংগঠনে দেশখনৰ হিন্দু মন্দিৰ, মুছলমানৰ মাজাৰ আদিত আক্ৰমণ কৰি ভাঙি দিয়াৰ লগতে সংখ্যালঘুৰ ওপৰত আক্রমণ অব্যাহত ৰাখিছে। ইস্কনৰ ধৰ্মগুৰু চিন্ময় দাস প্ৰভুৰ গ্ৰেপ্তাৰৰ পাছত পৰিস্থিতি একপ্ৰকাৰ নিয়ন্ত্রণহীন হৈ পৰিছে। দেশখনৰ অন্তবর্তীকালীন চৰকাৰখন চূড়ান্ত ব্যর্থ হৈছে। দেশত সামৰিক শাসন অহাটো অপৰিহাৰ্য হৈ আহিছে। সংখ্যালঘুৰ ওপৰত ক্রমাগত আক্ৰমণৰ ফলত পুনৰ সীমান্তত অবৈধ অনুপ্ৰৱেশৰ আশংকা বৃদ্ধি পোৱা দেখা গৈছে। অনুপ্ৰৱেশ ৰোধৰ বাবে কেন্দ্ৰীয় চৰকাৰে সময় থাকোঁতে ব্যৱস্থা গ্রহণ নকৰিলে দেশত অশান্তিৰ পৰিৱেশ সৃষ্টি হ’ব তথা চুবুৰীয়া দেশখনৰ সাম্প্রদায়িক বিষবাষ্প ভাৰততো বিয়পি পৰাৰ সম্ভাৱনাই দেখা দিছে। ইতিমধ্যে বাংলাদেশত সংখ্যালঘু হিন্দু, খ্রীষ্টান, বৌদ্ধ সম্প্ৰদায়ৰ ওপৰত চলা আক্ৰমণৰ প্ৰতিক্রিয়া তথা প্রতিবাদ ভাৰতবৰ্ষৰ বিভিন্ন প্ৰদেশৰ লগতে পশ্চিম বংগ, অসম আৰু ত্ৰিপুৰাত ব্যাপক হাৰত দেখা গৈছে। ভাৰতবৰ্ষৰ কেন্দ্ৰীয় চৰকাৰে সময় থাকোঁতেই ব্যবস্থা গ্রহণ নকৰিলে অযথা সাম্প্রদায়িক সংঘাত সৃষ্টিৰ পৰিস্থিতি নিয়ন্ত্রণহীন হৈ পৰাৰ আশংকাই দেখা দিছে।
