বিশ্বৰ অন্যতম পৰিচিত আৰু প্ৰিয় ৰহস্য লেখিকাৰ ভিতৰত আগাথা ক্ৰীষ্টি অন্যতম ।অপৰাধ আৰু হত্যাৰ ৰহস্যৰ ধাৰাৰ জগতখনত এক বিশেষ স্থান দখল কৰিছিল এইগৰাকী ৰহস্যময়ী নাৰী আগাথা ক্ৰীষ্টি। ‘ৰহস্য বা অপৰাধৰ ৰাণী’ বুলি অভিহিত কৰা আগাথা ক্ৰীষ্টিৰ উদ্ভাৱনীমূলক কাহিনীভাগ আৰু জটিল চৰিত্ৰসমূহে অকাল্পনিক ৰহস্য ধাৰাটোৰ এক বাবে এক উল্লখযোগ্য অৱদান হৈ আহিছে। তেওঁৰ সৃষ্টিৰ ৬৬খন গোয়েন্দা উপন্যাস আৰু ১৪খন চুটিগল্প সংকলনে সমগ্ৰ বিশ্বজুৰি সকলো অপৰাধমূলক কল্পকাহিনী প্ৰেমীৰ দৃষ্টি আকৰ্ষণ কৰিবলৈ সক্ষম হৈছে।
ডেম আগাথা মেৰি ক্লেৰিছা মিলাৰ, লেডি মেলোৱেন এগৰাকী বিশ্ববিখ্যাত ত ইংৰাজী লেখিকা। আগাথা ক্ৰিষ্টিৰ জন্ম হৈছিল ১৮৯০ চনৰ ১৫ ছেপ্টেম্বৰত। দক্ষিণ-পশ্চিম ইংলেণ্ডৰ ডেভনৰ টৰ্কুৱেইত। আন ল’ৰা-ছোৱালীৰ লগত স্কুললৈ পঠিওৱাৰ পৰিৱৰ্তে আগাথাই ঘৰতে প্ৰাথমিক শিক্ষা গ্ৰহণ কৰিছিল আৰু এইক্ষেত্ৰত বেছিকৈ সহায় কৰিছিল তেওঁৰ দেউতাকে। আগাথাৰ মাকৰ নাম আছিল ক্লাৰা। তেওঁ খুউব ধুনীয়াকৈ সাধু ক’ব জানিছিল। আঠ বছৰ নোহোৱা পৰ্যন্ত আগাথাই কিতাপ পঢ়াটো তেওঁ বিচৰা নাছিল। কিন্তু এইটো পৰিৱেশে এসময়ত আগাথাক আমুৱালে আৰু তেওঁ নিজেই কিতাপ পঢ়িবলৈ শিকিলে। সেইসময়ত আগাথাৰ বয়স আছিল পাঁচ বছৰ। ১৮ বছৰ বয়সত আগাথাই কিছুমান চমৎকাৰী চুটি গল্প লিখিব পৰা হ’ল। সেইবোৰ গল্প ‘৩০ৰ দশকত সংশোধিত হৈ প্ৰকাশৰ মুখ দেখা পাইছিল।
তেওঁৰ জনপ্ৰিয়তাৰ মূল কাৰণ হৈছে তেওঁৰ দ্বাৰা লিখিত ৬৬খন উপন্যাস, ১৪খন চুটিগল্প সংকলন আৰু হাৰকিউল পয়ৰো, মিছ মাৰ্পল নামৰ কাল্পনিক ডিটেকটিভ চৰিত্ৰ দুটাৰ সৃষ্টি। দা মাউছট্ৰেপ (The Mousetrap) নামৰ ৰহস্যধৰ্মী নাটকখনৰ বাবেও আগাথা ক্ৰিষ্টি জনাজাত। উল্লেখযোগ্য যে, এইখন হৈছে পৃথিৱীত সুদীৰ্ঘ সময় ধৰি প্ৰদৰ্শিত হোৱা নাটক। গিনিজ ৱৰ্ল্ড ৰেকৰ্ডছে আগাথা ক্ৰিষ্টিক সৰ্বকালৰ সৰ্বাধিক বিক্ৰী হোৱা ঔপন্যাসিকা হিচাপে তালিকাভুক্ত কৰিছে। তেওঁৰ উপন্যাসৰ বিক্ৰী-সংখ্যাই প্ৰায় ৩০০ কোটিৰ ঘৰ চুইছে। পৃথিৱীত বহুলভাৱে প্ৰকাশিত হোৱা গ্ৰন্থৰ তালিকাখনত শ্বেইকছপীয়েৰ আৰু বাইবেলৰ পিছতেই আছে আগাথা ক্ৰিষ্টিৰে নাম। ইণ্ডেস্ক ট্ৰেন্সলেছ’নামৰ মতে(Index Translationum) আগাথা ক্ৰিষ্টিৰ গ্ৰন্থ ১০৩টা ভাষালৈ অনূদিত হৈছে। সৰ্বাধিক ভাষালৈ অনূদিত হোৱা লেখকৰ তালিকাত আগাথা ক্ৰিষ্টিয়েই প্ৰথম স্থান অধিকাৰ কৰিছে।
আগাথা ক্ৰিষ্টিৰ দ্বাৰা লিখিত এণ্ড ডেন ডেয়াৰ ওৱেৰ নান শীৰ্ষক উপন্যাসখন হৈছে তেওঁৰ সৰ্বাধিক বিক্ৰী হোৱা উপন্যাস। কিতাপখনৰ এতিয়ালৈকে ১০ কোটি (১০০ মিলিয়ন) কপি বিক্ৰী হৈছে। সেইকাৰণে এইখন গ্ৰন্থক পৃথিৱীৰ সৰ্বাধিক বিক্ৰী হোৱা ৰহস্যধৰ্মী কাহিনী আখ্যা দিয়া হয়। ক্ৰিষ্টিৰ দ্বাৰা ৰচিত এখন আলোড়ন-সৃষ্টিকাৰী নাটক দা মাউছট্ৰেপৰ এটা বিৰল অভিলেখ আছে। এইখন নাটকৰ প্ৰথমটো প্ৰদৰ্শনী আৰম্ভ হৈছিল ১৯৫২ চনৰ ২৫ নৱেম্বৰত। ইংলেণ্ডৰ ৱেষ্ট এণ্ডস্থিত এম্বাছাডৰছ্ থিয়েটাৰত। আৰু তেতিয়াৰ পৰা ২০১৯ চনৰ এপ্ৰিললৈকে এই নাটকখনে ২৭,০০০টা প্ৰদৰ্শনী সম্পন্ন কৰিছে। পৃথিৱীত দীৰ্ঘসময়ৰ বাবে চলা এইখনেই হৈছে একমাত্ৰ নাটক।
কোৱা হয় যে ১৯২৬ চনৰ শেষৰ ফালে আগাথাৰ স্বামী আৰ্চিয়ে প্ৰকাশ কৰিছিল যে তেওঁ আন এগৰাকী মহিলা নেন্সি নীলৰ প্ৰেমত পৰিছিল আৰু বিবাহ বিচ্ছেদ বিচাৰিছিল। ১৯২৬ চনৰ ৩ ডিচেম্বৰত দম্পতীহালৰ মাজত কাজিয়া হয় আৰু আৰ্চি ক্ৰীষ্টিয়ে বাৰ্কশ্বাৰৰ ছানিংডেলত থকা তেওঁলোকৰ ঘৰ ষ্টাইলছ এৰি ছাৰেৰ গ’ডালমিংত নিজৰ মিষ্ট্ৰেছৰ সৈতে ছুটিৰ দিনটো কটায়। নিশা প্ৰায় ৯.৪৫ বজাত তাই কাকো একো নোকোৱাকৈ গাড়ী চলাই ঘৰৰ পৰা ওলাই যায়, যোৱাৰ আগতে শুই থকা ছোৱালী ৰোজালিণ্ডক চুমা খাইছিল। পিছত তাইৰ বাহন খন পৰিত্যক্ত অৱস্থাত গিল্ডফোৰ্ডৰ ওচৰৰ নিউলেণ্ডছ কৰ্ণাৰত এটা ঢালৰ তলত উদ্ধাৰ কৰা হয়। তাইৰ কোনো চিন-মোকাম নাছিল, আৰু একমাত্ৰ সূত্ৰটো আছিল তাইৰ চেক্ৰেটাৰীৰ বাবে লিখা এখন চিঠি যে তাই ইয়ৰ্কশ্বাৰলৈ যাব। তাইৰ নিৰুদ্দেশৰ ফলত জনসাধাৰণৰ মাজত ক্ষোভৰ সৃষ্টি হয়, যাৰ বহুতেই আছিল আগাথা ক্ৰীষ্টিৰ উপন্যাসৰ প্ৰশংসক। কিন্তু একেবাৰেই কোনো ফল পোৱা নগ’ল। নিৰুদ্দেশৰ বাতৰি কাকততো বহুলভাৱে প্ৰকাশ পাইছিল আৰু সংশ্লিষ্ট জনসাধাৰণেও এই অনুসন্ধানত যোগদান কৰিছিল। সাংবাদিকসকলে তাইৰ অন্তৰ্ধানৰ ব্যাখ্যাৰ বাবে একাধিক তত্ত্ব আগবঢ়াইছিল। কোনোৱে নিজকে ডুবাই পেলোৱা বুলি ক’লে, কোনোৱে স্বামীয়ে হত্যা কৰা বুলি ক’লে। তথাপিও আন কিছুমানে দাবী কৰিছিল যে সমগ্ৰ পৰিঘটনাটো তাইৰ উপন্যাসৰ প্ৰচাৰৰ বাবে কৰা প্ৰচাৰৰ ষ্টাণ্টৰ বাহিৰে আন একো নহয়। কিছুমান বিশিষ্ট ব্যক্তিয়ে তাইক বিচাৰি উলিওৱাৰ প্ৰচেষ্টাত যোগ দিছিল। সেই সময়ৰ গৃহ সচিব উইলিয়াম জয়নছন-হিক্সে আৰক্ষীক দ্ৰুতগতিত অনুসন্ধানৰ প্ৰতি হেঁচা প্ৰয়োগ কৰিছিল। আনকি শ্বাৰলক হোমছৰ সৃষ্টিকৰ্তা ছাৰ আৰ্থাৰ কনন ডয়েল আৰু লৰ্ড পিটাৰ উইমচি ছিৰিজৰ লেখিকা ড’ৰথী এল চেয়াৰ্ছকো এই প্ৰহেলিকাটোৰ মাজলৈ টানি অনা হৈছিল। অকল্টৰ প্ৰতি আগ্ৰহী কনন ডয়েলে ক্ৰীষ্টিৰ পেলনীয়া গ্লভছ এটা মাধ্যমলৈ লৈ গৈছিল, আনহাতে ছেয়াৰ্ছে নিৰুদ্দেশ হোৱা ঠাইখন ভ্ৰমণ কৰিছিল, পিছলৈ ইয়াক আননেচাৰেল ডেথ উপন্যাসত ব্যৱহাৰ কৰিছিল। নিৰুদ্দেশৰ এঘাৰ দিনৰ পাছত ক্ৰীষ্টিক হেৰ’গেটৰ শ্বোৱান হাইড্ৰ’পেথিক হোটেলত (তেতিয়া অল্ড শ্বোৱান বুলি কোৱা হৈছিল) অতিথি হিচাপে চিনাক্ত কৰা হয়, য’ত তেওঁক কেপ টাউনৰ পৰা ‘মিচেছ টেৰেছা নীল’ হিচাপে পঞ্জীয়ন কৰা হয়।
ক্ৰীষ্টীয়ে তাইৰ অন্তৰ্ধানৰ কোনো ব্যাখ্যা নিদিলে। যদিও দুজন চিকিৎসকে তেওঁক স্মৃতিভ্ৰংশ ৰোগত আক্ৰান্ত বুলি ধৰা পেলাইছিল, তথাপিও তেওঁৰ নিৰুদ্দেশৰ কাৰণ সন্দৰ্ভত মতামত সঠিক কৈ জনা নগল। ১৯৭০ চনৰ ভিতৰত আগাথাৰ স্বাস্থ্যৰ অৱনতি ঘটিবলৈ ধৰে আৰু ১৯৭৬ চনৰ ১২ জানুৱাৰীত অক্সফৰ্ডশ্বাইৰৰ ঘৰত প্ৰাকৃতিক কাৰণত তেওঁৰ মৃত্যু হয়। আগাথাৰ চূড়ান্ত উপন্যাস স্লিপিং মাৰ্ডাৰ: মিছ মাৰ্পলৰ লাষ্ট কেছ ১৯৭৬ চনৰ অক্টোবৰ মাহত মৰণোত্তৰভাৱে প্ৰকাশ পায়। ৰহস্যময়ী লেখিকা আজিও গৰাকী ৰহস্যময়ী হৈয়েই থাকিল।
