চীনৰ আকাশচুম্বী কাঁচৰ ওপৰত স্কাই ৱাক চীনৰ গুৱাংডং প্ৰদেশৰ কিংইউয়ান হুয়াংটেংছিয়া পৰিৱেশ পৰ্যটন এলেকা বিশ্বৰ শ্ৰেষ্ঠতম আকৰ্ষণীয় সৃষ্টিৰ ভিতৰত অন্যতম। চীনৰ গুৱাংডং প্ৰদেশৰ কিংইউয়ান হুয়াংটেংছিয়া পৰিৱেশ পৰ্যটন এলেকাত অৱস্থিত এটা কাঁচৰ মজিয়াৰ স্কাইৱাক, জলপ্ৰপাতৰ ওপৰত খোজ কাঢ়ি যোৱা মানেই এক ৰোমাঞ্চকৰ অভিজ্ঞতা।
হুয়াংটেংছিয়া টিয়ানমেন স্কাই ৱাক, যাক হুয়াংটেংছিয়া গ্লাছ কৰিডৰ বুলিও কোৱা হয়। এই স্কাই ৱাকখন চক্ৰাকাৰ আকৃতিৰ, যাৰ মাজত এটা ক্ৰছ আকৃতিৰ কাঠামো আছে। ই বেডমিণ্টন ৰেকেটৰ আৰ্হিৰে গঠন কৰা হৈছে। ই এটা শিলৰ পৰা ১৬৮ মিটাৰ দূৰত্বলৈকে বিস্তৃত, বিশাল তীখাৰ খুঁটাৰে সমৰ্থিত। ৰিইনফৰ্চড গ্লাছে ৪০০ টনলৈকে ওজন বহন কৰিব পাৰে। যাৰ ফলত হাজাৰ হাজাৰ লোকে চিন্তা নকৰাকৈ দৃশ্য উপভোগ কৰিব পাৰে।
১৬৬ মহলীয়া অট্টালিকাৰ উচ্চতাৰ দৰে এই কৰিডৰটোৰ দৈৰ্ঘ্য ৩৬৮ মিটাৰ আৰু উচ্চতা ৫০০ মিটাৰ। এই ঠাইখন ৰাতি লাইট শ্ব’লৈ ৰূপান্তৰিত হয়। বৃত্তাকাৰ দলংখনত প্ৰায় ২০০০ ইলেক্ট্ৰিক লাইট স্থাপন কৰা হৈছে। বিশ্বৰ আটাইতকৈ ডাঙৰ বৃত্তাকাৰ সংগীতৰ জলপ্ৰপাতটোৰ মুঠ পৰিধি ১৬৮ মিটাৰ। ইয়াক নিৰ্মাণ কৰোতে প্ৰায় ২৬৮ মিলিয়ন ইউয়ান (প্ৰায় ৪ কোটি মাৰ্কিন ডলাৰ)ৰ বৃহৎ বিনিয়োগেৰে কৰা হৈছিল।
আকাশ কৰিডৰৰ ছি-থ্ৰু প্লেটফৰ্মৰ কাষেৰে খোজ কাঢ়ি গৈ থাকোঁতে নতুন শিহৰিত অনুভৱ কৰিব। যেন এড্ৰিনেলিনৰ হুলস্থুল শুনা পাব পাৰে বা আনকি ভঙা কাঁচৰ শব্দও শুনিব পাৰে বা তাতোকৈ ভয়ংকৰভাৱে তললৈ চাই ভৰিৰ তলৰ গ্লাছত ফাট ওলোৱা যেন দেখিব পাৰে। কিন্তু চিন্তা নকৰিব, ই সম্পূৰ্ণ নিৰাপদ। এইয়া হৈছে দলঙৰ বিশেষ গ্লাছ ব্ৰেকিং ইফেক্ট যিটো বিশেষভাৱে দৰ্শনাৰ্থীক ভয় খুৱাবলৈ ডিজাইন কৰা হৈছে।
সাধাৰণতে, এই স্কাই ৱাকখনে পুৱা ৯ বজাৰ পৰা ৰাতি ৯ বজালৈকে খোলা থাকে। টিকটৰ মূল্য ₹১৯৮৭.৫০ টকা। কিন্তু যিসকলৰ হৃদৰোগ আছে, তেওঁলোকৰ বাবে এই ঠাই পৰামৰ্শযোগ্য নহয়।
