২০২৪ বৰ্ষৰ নৱেম্বৰৰ মুক্তি লাভ কৰা আন এখন ছবি হৈছে ‘দ্য সাবৰমতী ৰিপ’ৰ্ট’ (The Sabarmati Report)। বলীউদৰ এক বিতৰ্কিত ছবি। ২০০২ চনত গুজৰাটত সংঘটিত গো ধৰা কাণ্ডৰ ওপৰত নিৰ্মাণ কৰা হৈছে ছবিখন। ৰামভক্তই অযোধ্যাৰ পৰা গুজৰাটলৈ যাত্ৰা কৰা সাৱৰমতী এক্সপ্ৰেছত কেইজনমান মানুহে অগ্নিসংযোগ কৰে , যাৰ ফলত সাৱৰমতী এক্সপ্ৰেছৰ দুটা ডবাত অগ্নিকাণ্ড সংঘটিত হোৱাত দুৰ্ঘটনাত ৫৯ জন নিৰীহ লোকে প্ৰাণ হেৰুৱাই।
চিনেমাখনে এজন নিষ্ঠাবান সাংবাদিকৰ যাত্ৰা অনুসৰণ কৰি অনুষ্ঠানটোৰ এক প্ৰামাণিক আৰু কঠিন দৃষ্টিভংগী উপস্থাপন কৰিছে আৰু এক অনন্য শিৰোনাম দখল কৰিছে। ২০০২ চনত গুজৰাটত জ্বলি যোৱা গোধৰা ৰেলখনৰ তদন্ত কৰা এজন সাংবাদিকে কেইবাবছৰৰ পিছত তেওঁৰ লুকাই থকা প্ৰতিবেদন আৱিষ্কাৰ কৰে আৰু প্ৰকৃত সত্য উদঙাই দিয়ে। ছবিখনৰ মূল বিষয়টো কেৱল মনোৰঞ্জন নহয়; ই এটা উল্লেখযোগ্য পৰিঘটনাৰ চিন্তাশীল অন্বেষণ, যিয়ে সাংবাদিকতাত সত্যৰ গুৰুত্বৰ ওপৰত পোহৰ পেলায়।
ছবিখনৰ মূল চৰিত্ৰ এজন ভিডিঅ’ সাংবাদিক। হিন্দী মাধ্যমৰ সাংবাদিক সমৰ কুমাৰে (বিক্ৰান্ত মেছেই) সাবৰমতী এক্সপ্ৰেছত অগ্নিকাণ্ডৰ খবৰ দিবলৈ পঠিওৱা হয়। তেওঁৰ লগত যায় আই বি টি নিউজ চেনেলৰ জ্যেষ্ঠ সাংবাদিক মণিকা ৰাজপুৰোহিত (ৰিদ্ধি ডোগ্ৰা)। ইয়াত মণিকা আৰু সমৰে একেলগে গ্ৰাউণ্ড জিৰ’ত দুৰ্ঘটনাটো কেনেকৈ সংঘটিত হ’ল সেই কথা জানিবলৈ চেষ্টা কৰে। মণিকাই ৰিপৰ্ট কৰে থিকেই কিন্তু তাৰ মাজত আছিল সত্যৰ পৰা বিচলিত আন এক তথ্য। সংবাদ মাধ্যমে TRP ৰ দৌৰত সত্য ঘটনাৰ পৰা আঁতৰি আহে ৰাইজক তথ্যবোৰ বেলেগ ধৰনে পৰিৱেশিত কৰিছিল। ইয়াৰ ঘোৰ বিৰোধিতা কৰিছিল সমৰে। যেতিয়া সমৰে প্ৰতিবাদ কৰে আৰু তেওঁৰ ফুটেজ ঘূৰাই বিচাৰে, তেতিয়া তেওঁৰ বিৰুদ্ধে চুৰিৰ অভিযোগ উত্থাপন হয় আৰু চাকৰিৰ পৰা বৰ্খাস্ত কৰা হয়। সমৰ নিজ সিদ্ধান্তত অটল আছিল কাৰণ তেওঁ দেখা চাক্ষুষ দৃশ্য আৰু সেই ঘটনাৰ বাতৰি আছিল পৃথক । সমৰে চাকৰি এৰি মদ্যপায়ী হৈ পৰিছে। কিন্তু ৫ বছৰৰ পাছত তেওঁ পুনৰ গোধৰা কাণ্ডৰ সত্যতা প্ৰকাশ কৰাৰ সুযোগ পায়। এতিয়া সমৰে আই বি টিৰ নতুন সাংবাদিক অমৃতা গিল (ৰাশী খান্না)ৰ সৈতে বছৰ বছৰ ধৰি লুকাই থকা সত্যটো উলিয়াই অনাৰ চেষ্টা কৰে।
ছবিখন যদিও সত্য ঘটনাৰ উপৰত আধাৰিত কিন্তু সম্পূৰ্ণভাৱে ছবিখনে প্ৰকৃত ঘটনা প্ৰদৰ্শনত বিফল হৈছে। ছবিখনৰ বিষয়বস্তু খুব সুন্দৰ আছিল কিন্তু কিছু দুৰ্বলতাই ছবিখন জনপ্ৰিয় হোৱাত বাধা দিছিল। এই সকলোবোৰৰ মাজতে ছবিখনৰ ভাৰসাম্য ৰক্ষাৰ বাবে সকলো প্ৰচেষ্টা চলোৱা হৈছে। কিন্তু পৰিচালক ধীৰাজ সাৰ্না ইয়াত বিশেষ সফল নহ’ল। মুছলমান সমাজৰ ওপৰত কৰা মন্তব্য আৰু ছবিখনৰ কিছুমান দৃশ্য যথেষ্ট আচহুৱা আৰু হাস্যকৰ। এই সকলোবোৰৰ মাজতে হিন্দী বনাম ইংৰাজী সাংবাদিকতাৰ যুদ্ধ দেখিবলৈ যথেষ্ট বিৰক্তিকৰ। ছবিখন মূল বিষয়ৰ পৰা বিচলিত হৈছে , দৰ্শক ভাৱিবলৈ বাধ্য সহ ছবিখন প্ৰকৃততে সাবৰমতী এক্সপ্ৰেছ দুৰ্ঘটনাৰ বিষয়ে নে হিন্দী আৰু ইংৰাজী সাংবাদিকতাৰ ওপৰত নিৰ্মিত।
