বিভিন্ন আন্তঃৰাষ্ট্ৰীয় মাধ্যমৰ প্ৰতিবেদন অনুসৰি, চীনৰ তিয়ানজিনত আয়োজিত SCO (Shanghai Cooperation Organisation) শিখৰ সম্মিলনৰ সময়ত ভাৰতৰ প্ৰধানমন্ত্ৰী নৰেন্দ্ৰ মোদীক হত্যাৰ ষড়যন্ত্ৰ ৰচা হৈছিল। কিন্তু এই ভয়ংকৰ ষড়যন্ত্ৰ ভাৰত–ৰাছিয়া গুপ্তচৰ সংস্থাৰ সমন্বয় আৰু ৰাছিয়াৰ ৰাষ্ট্ৰপতি ভ্লাদিমিৰ পুটিনৰ তৎপৰতাৰ বাবে ব্যৰ্থ হৈ পৰে বুলি বিভিন্ন মাধ্যমে উল্লেখ কৰিছে।
The Citizen আৰু Organiser.org ৰ প্ৰতিবেদন অনুসৰি চীনৰ তিয়ানজিনত আয়োজিত SCO (Shanghai Cooperation Organisation) শিখৰ সম্মিলনত ভাগ লোৱাৰ উদ্দেশ্যে তিয়ানজিনত ভাৰতৰ প্ৰধানমন্ত্ৰী নৰেন্দ্ৰ মোদী ডাঙৰীয়া উপস্থিত হোৱাৰ কিছুক্ষণতে ভাৰত আৰু ৰাছিয়াৰ গুপ্তচৰ সংস্থাই এক গুৰুতৰ ষড়যন্ত্ৰ সংকেত লাভ কৰিছিল। এই ষড়যন্ত্ৰৰ উদ্দেশ্য আছিল ভাৰতৰ প্ৰধানমন্ত্ৰীক এই সন্মিলনৰ সময়তে হত্যা কৰা।
এই ষড়যন্ত্ৰৰ উমান পায় ৰাছিয়াৰ ৰাষ্ট্ৰপতি পুটিনে নিজে ভাৰতৰ প্ৰধানমন্ত্ৰী মোদীক নিজৰ বিশেষ সুৰক্ষিত গাড়ী Aurus Senat লিম’জিনত উঠিবলৈ অনুৰোধ কৰে আৰু তেওঁলোকক এক নিৰাপদ স্থানলৈ লৈ যায়। দুয়োগৰাকী নেতাই প্ৰায় ৪৫ মিনিট সময় গাড়ীত কটায়। আৰু নৰেন্দ্ৰ মোদী ডাঙৰীয়াৰ বিৰুদ্ধে ৰচনা হোৱা এই ভয়ংকৰ ষড়যন্ত্ৰ বিফল হয়।
এই ঘটনাৰ সময়তেই বাংলাদেশৰ ৰাজধানী ঢাকাত এজন আমেৰিকান বিশেষ বাহিনীৰ বিষয়া টেৰেন্স আৰভেল জেক্সনৰ (Terrence Arvelle Jackson) ৰহস্যজনক মৃত্যুৰ খবৰ ওলায়। India.com আৰু The Citizen-এ প্ৰকাশিত প্ৰতিবেদন অনুসৰি, জেক্সন ঢাকাত “সৈন্য প্ৰশিক্ষণ মিছন”ৰ উদ্দেশ্যে উপস্থিত আছিল, কিন্তু তেওঁ CIA ৰ ভাৰত আৰু দক্ষিণ এচিয়াৰ সৈতে জড়িত বিভিন্ন গুপ্ত কাৰ্যকলাপত প্ৰত্যক্ষভাৱে জড়িত আছিল।
বিভিন্ন মাধ্যমত প্ৰকাশিত খবৰ অনুসৰি জেক্সন 1st Special Forces Command (Airborne) ৰ Command Inspector General পদত আছিল। আৰু বিগত এপ্ৰিল মাহৰ পৰাই জেক্সন বাংলাদেশত আছিল আৰু তাৰ পৰাই তেওঁ ভাৰতৰ সবাতোকৈ VVIP নেতাক হত্যাৰ ষড়যন্ত্ৰ ৰচিছিল।
ঢাকাৰ The Westin হোটেলৰ কোঠা নং ৮০৮ ত যেতিয়া জেক্সনৰ মৃতদেহ উদ্ধাৰ হয় তেতিয়া কঁপনি উঠে আমেৰিকাত। তিনিদিন বন্ধ কোঠা দেখি যেতিয়া হোটেল কৰ্মচাৰীয়ে কোঠাৰ দুৱাৰ খোলে তেতিয়া কৰ্মচাৰী স্তম্ভিত হৈ পৰে কাৰণ কোঠাত মৃত অৱস্থাত আছিল টেৰেন্স আৰভেল জেক্সন। হোটেলৰ ফালৰ পৰা ঢাকা আৰক্ষী আৰু আৰক্ষীয়ে আমেৰিকান দূতাবাসৰ লগত যোগাযোগ কৰে। তাৰ পিছত আচৰিত ঘটনা কি ঘটিলে জানে নে ? ডাক্তৰ, পুলিচ সকলো আমেৰিকান দূতাবাসৰ পৰাই আহে আৰু এই ঘটনাত ঢাকা আৰক্ষীক কোনো ধৰণে জড়িত হ’ব দিয়া নহ’ল। মৃতদেহ মাৰণোত্তৰ পৰীক্ষা অবিহনেই আমেৰিকা লৈ যোৱা হ’ল আৰু কোঠা নং ৮০৮ ৰ সকলো সামগ্ৰী লৈ যোৱা হ’ল লগত। লগতে জেক্সন কোনো প্ৰকাৰে আমেৰিকান সৈন্যৰ লগত জড়িত নহয় বুলি জনোৱা হ’ল।
ডোনাল্ড ট্ৰাম্পৰ দ্বিতীয়টো কাৰ্যকাল বৈদেশিক সম্পৰ্কৰ দিশৰ পৰা আমেৰিকাৰ বাবে মূৰৰ কামোৰণী হৈ উঠিছে। ট্ৰাম্পৰ হঠকাৰী সিদ্ধান্তৰ বাবে এখনৰ পিছত আন এখন দেশ আমেৰিকাৰ পৰা অতিষ্ঠ হৈ পৰিছে। তেনে সময়তে ভাৰত, চীন আৰু ৰাছিয়াৰ বৰ্ধিত বন্ধুত্ব আমেৰিকাৰ বাবে চিন্তাৰ কাৰণ হৈ পৰিছে। ট্ৰাম্পে কোনো কাৰণতে নিবিচাৰে এই তিনিখন ৰাষ্ট্ৰ একেলগে অহাটো। জেক্সনেই ৰচনা কৰিছিল চীনত প্ৰধানমন্ত্ৰী মোদীক হত্যাৰ ষড়যন্ত্ৰ। ঘটনাৰ উমান লাভ কৰিছিল ৰাছিয়াৰ SVR এ। লগে লগে ভাৰতৰ চোৰাংচোৱা সংস্থাৰ সৈতে তথ্যৰ আদান প্ৰদান কৰি বাংলাদেশত কৰা হ’ল এক সফল গোপন অভিযান। য’ত এই ষড়যন্ত্ৰৰ মূল জেক্সনক সুৰাত Polonium নামৰ বিহ মিহলাই হত্যা কৰা হয়। এই Polonium বিহ সাধাৰণতে ৰুছি গুপ্তচৰ সংস্থাই নিজৰ শত্ৰুক নিঃশেষ কৰাৰ বাবে ব্যৱহাৰ কৰে। যা হওঁক, ভাৰতৰ প্ৰধানমন্ত্ৰী এক ডাঙৰ বিপদৰ পৰা ৰক্ষা পৰিল। তাৰ বাবে ৰুচিয়াৰ গুপ্তচৰ সংস্থা আৰু ৰুচিয়াৰ ৰাষ্ট্ৰপতি নিতান্তই ধন্যবাদৰ পাত্ৰ। তেওঁলোকৰ সহযোগিতা এই ক্ষেত্ৰত বহুত গুৰুত্বপূৰ্ণ আছিল। Mathrubhumi English আৰু Organiser.org ৰ তথ্য অনুসৰি, ভাৰতৰ RAW আৰু ৰাছিয়ান SVR ৰ মাজত ৰিয়েল-টাইম তথ্য বিনিময়ে সম্ভাৱ্য আক্ৰমণটো বিফল কৰাত মুখ্য ভূমিকা গ্ৰহণ কৰে। এই ঘটনাই পুনৰ এবাৰ ভাৰত আৰু ৰাছিয়াৰ মাজৰ পাৰস্পৰিক বিশ্বাস, বন্ধুত্ব আৰু কূটনৈতিক গভীৰতাক বিশ্বৰ সম্মুখত স্পষ্ট কৰি তুলিছে।
