অতিথিপৰায়ণ অসমীয়া জাতিৰ তৰফৰ পৰা ভাৰত বৰ্ষৰ প্ৰধানমন্ত্ৰী মাননীয়। মোদী ডাঙৰীয়াক আমি অসমলৈ স্বাগতম জনাইছো।
মোদী ডাঙৰীয়া, আমি আপোনাৰ “মন কি বাত” নিয়মীয়াকৈ শুনি আহিছোঁ। আজি যিহেতু আপুনি আমাৰ মাজত আছে, এই সুযোগতে আমি অসমৰ ৰাইজৰ মনৰ কিছু প্ৰশ্ন আপোনালৈ এই মাধ্যমৰ যোগেদি প্ৰেৰণ কৰিব বিচাৰিছোঁ।
(১) আপুনি যেতিয়া কৈছিল “না খাউংগা, না খানে দুংগা” আমি যথেষ্ট উৎসাহিত হৈছিলোঁ। কিন্তু পৰবৰ্তী কালত আমি দেখিলোঁ যে অসমৰ ৰাজ্য চৰকাৰ আৰু তেওঁৰ বিশেষকৈ মাননীয় মুখ্যমন্ত্ৰী ডাঙৰীয়াৰ নাম বিভিন্ন দুৰ্নীতি আৰু অনিয়মৰ লগত সাঙোৰ খাইছে – সেয়া লাগিলে ভু কেলেংকাৰি হওঁক অথবা অবাধ চিন্দিকেত। এই দুৰ্নীতিৰ তদন্ত আপুনি কৰিবলৈ দিবনে ?
(২) আপুনি অসমৰ ১১ লাখ চাহ শ্ৰমিকৰ দৈনিক মজুৰি ৩৫১ টকালৈ বৃদ্ধি কৰাৰ প্ৰতিশ্ৰুতি দিছিল। কিন্তু বৰ্তমান মজুৰি ২২০ৰ পৰা ২৫০ টকীয়াৰ ভিতৰত লাভ কৰি আছে এই চাহ শ্ৰমিকসকলে। তেওঁলোকে তেওঁলোকৰ প্ৰাপ্য পাব নে ?
কিয় আজিও বাগিচা অঞ্চলৰ ৪২১ খন বিদ্যালয় আজিও প্ৰাদেশিকীকৃত নহল। পৰ্যাপ্ত স্বাস্থ্যসেৱাৰ পৰাও চাহ শ্ৰমিকসকলক চৰকাৰে কিয় বঞ্চিত কৰি ৰাখিলে ?
(৩) আজিও কাৰ্যকৰী নহল অসম চুক্তিৰ ৬ নং দফা। অসম চুক্তিক দাৰি- কমা সলনি নকৰাকৈ ৰূপায়ন কৰাৰ প্ৰতিশ্ৰুতি পূৰণ হব নে ?
অবৈধ বাংলাদেশী অসমৰ এটা জ্বলন্ত সমস্যা। অসমৰ থলুৱা মানুহৰ বাবে এই অবৈধ বাংলাদেশী সমস্যা এক ডাঙৰ বোজা হৈয়েই আছে। এই বোজা কেতিয়ালৈ বহন কৰিব লাগিব ৰাজ্য অসমে ?
(৪) ১০০ দিনৰ ভিতৰত ৬ জনগোষ্ঠীৰ জনজাতিকৰণৰ প্ৰতিশ্ৰুতি দিয়াৰ পিছত কিয় আজি লৈ কাৰ্যকৰী নহ’ল ?
(৫) প্ৰতিশ্ৰুতি আছিল প্ৰতিখন জিলাতে এখন হাই-টেক ৫০০ বিচনাযুক্ত চিকিৎসালয় নিৰ্মাণ কৰা হ’ব, কিন্তু এতিয়ালৈকে স্থাপন কৰা হোৱা নাই ?
(৬) অসমত মাতৃভাষা মাধ্যমত চিকিৎসা আৰু কাৰিকৰী মহাবিদ্যালয় স্থাপনৰ প্ৰতিশ্ৰুতি পূৰণ হল নে ? চৰকাৰে ৰাজ্যৰ ৮ হাজাৰতকৈও অধিক চৰকাৰী বিদ্যালয় বন্ধ কৰিছে । চৰকাৰী বিদ্যালয়ৰ আন্তঃগাঁথনি নিৰ্মান বা উন্নীতকৰণত ব্যৰ্থ হৈছে । আকৌ পৰীক্ষাৰ সময়ত দেখা দিয়া বিভিন্ন বিসংগতি আঁতৰ হব নে ?
(৭) অসমক ভাৰতবৰ্ষৰ শ্ৰেষ্ঠ পাঁচখন ৰাজ্যৰ ভিতৰত স্থান দিয়াত ব্যৰ্থ হৈছে। এই শ্ৰেষ্ঠতা অসমে প্ৰকৃততে লাভ কৰিবনে ? দেশৰ বৃহৎ ৰাজ্যসমূহৰ ভিতৰত অসমত বহুমাত্ৰিক দৰিদ্ৰতাৰ শতকৰা হাৰ ৫ ম স্থানত আছে। Double Engine চৰকাৰৰ সময়ত এই দুৰ্দশাৰ কাৰণ কি ?
(৮) কিয় সকলোকে ঘৰ দিয়াৰ প্ৰধানমন্ত্রীৰ প্ৰতিশ্ৰুতিৰ পৰা বঞ্চিত বহুজন ? এতিয়াও নিৰ্মাণ সম্পূৰ্ণ হোৱা নাই অনুমোদিত চাৰি লাখ ঘৰ । ২০২৪ চনৰ ডিচেম্বৰত উকলিব সময়সীমা। নগৰ অঞ্চলৰ আৱাস নির্মাণতো পিছপৰি আছে অসম । নগৰাঞ্চলত প্ৰধানমন্ত্রী আৱাস যোগনাৰ সাফল্যৰ হাৰ ৪৮.২৫ শতাংশ। প্ৰধানমন্ত্রী নৰেন্দ্ৰ মোদী চৰকাৰে অসমত ১৯,১০,৬৪৩ টা গৃহ নিৰ্মাণৰ লক্ষ্য নিৰ্ধাৰণ কৰি দিছিল। কিন্তু অনুমোদিত উক্ত গৃহৰ ভিতৰত এতিয়ালৈকে ১৫,৪০,৬৯৬ টা গৃহ নিৰ্মাণৰ কামহে সম্পূর্ণ হৈছে।
(৯) নিবনুৱা সমস্যা সমাধানত কিয় ব্যৰ্থ চৰকাৰ ? অসম চৰকাৰৰ পৰিসংখ্যা অনুসৰি অসমৰ মুঠ জনসংখ্যাৰ ১০ শতাংশতকৈ অধিক নিবনুৱা, অসম চৰকাৰৰ নিবনুৱা পৰ্টেলত (২০২৪ চনৰ অক্টোবৰ মাহলৈকে) ৩৩,৫৯১,৭৬ (৩৩.৫ লাখ) নিবনুৱাৰ নাম পঞ্জীয়ন কৰিছে, আৰু লাখ লাখ এনে নিবনুৱা আছে যাৰ আছিল পৰ্টেলত তেওঁলোকৰ নাম পঞ্জীয়ন কৰা নাই। ৰাজ্যৰ নিবনুৱা যুৱকৰ সংখ্যা প্ৰতিমাহে ১.৫ লাখ বৃদ্ধি পাইছে।
(১০) জল জীৱন আঁচনিৰ জৰিয়তে ঘৰে ঘৰে বিশুদ্ধ খোৱা পানীৰ যোগান মাথোঁ শ্লোগান হৈয়েই থাকিল ? অসম চৰকাৰে ২০২৪ বৰ্ষত ৮৯০ টা প্রকল্প তথা আঁচনিৰ অনুমোদন বিচাৰি কেন্দ্ৰৰ ওচৰত আবেদন দাখিল কৰিছিল কিন্তু কেন্দ্রই তাক পোনছাটেই নাকচ কৰিছিল।
(১১) অসমৰ আন এক জ্বলন্ত সমস্যা বানপানী, স্থায়ী বানপানী ৰোধ কৰাৰ ক্ষেত্ৰত ব্যৱস্থা গ্ৰহণ কৰি অসমৰ বানপানীক ৰাষ্ট্ৰীয় সমস্যা হিচাবে ঘোষণা কৰি গলে আমি নথৈ আনন্দিত হম।
(১২) উমৰাংছুৰ কালামাটিৰ কয়লাখনিত আৱদ্ধ হৈ মৃত্যুক আঁকোৱালি লৈছিল কেইবাজনো শ্ৰমিক। ইয়াৰ পূৰ্বেও এনেধৰণৰ ঘটনা সংঘটিত হৈছিল , তেনে হলে কোনোধৰণৰ ব্যৱস্থা গ্ৰহণ কৰা হোৱা নাছিল কিয় ? এই অবৈধ কয়লা খননৰ আঁৰত কোন? কাৰ আশীৰ্বাদত চলি আছে এই অবৈধ খনন? বন্ধ হ’ল নে লিডুৰ অবৈধ খনন? আৰু কিমান শ্ৰমিকে হেৰুৱাব প্ৰাণ?
(১৩) শদিয়াৰ পৰা ধুবুৰীলৈ ব্ৰহ্মপুত্ৰ খনন কৰা Assam Vision Document এটা আশ্বাস আছিল, এইয়া সম্পূৰ্ণ হল নে ?
(১৪) ২০১৯ চনত অসমত ১২.১৪ লাখ MSME আছিল। কিন্তু ভাৰত চৰকাৰৰ উদ্যম পৰ্টেলৰ শেহতীয়া তথ্য অনুসৰি এই সংখ্যা ১০.০৩ লাখ এমএছএমইলৈ হ্ৰাস পাইছে, অৰ্থাৎ যোৱা ৫ বছৰত ২.১১ লাখ MSME, হ্ৰাস হবলৈ পালে কেনেকৈ ?
(১৫) উত্তৰ-পূৰ্বাঞ্চলৰ ভিতৰত সৰ্বাধিক ৰে’লপথ থকা অসমৰ ৰে’লপথৰ মাত্ৰ ৩৯ শতাংশতহে হৈছে বৈদ্যুতিকীকৰণ। তেনেদৰে ৰে’লপথ দ্বৈতকৰণতো দেখা গৈছে অনুৰূপ অৱহেলা। বিগত পাঁচ বছৰত কেন্দ্ৰীয় চৰকাৰে উত্তৰ-পূবৰ বাবে বাজেট প্রস্তাৱত ২,৬৩,৫৪১ কোটি টকা ধার্য কৰিও শেষত মোকলাই দিলে মাত্র ২,১৫,৮৯০ কোটি টকাহে। অর্থাৎ মোদী ডাঙৰীয়াই বিগত পাঁচ বছৰত কৰ্তন কৰিলে ৪৭,৬৫১ কোটি টকা। দ্বৈত ৰে’ল পথ ৰূপায়ণ, ৰে’ল পথ বৈদ্যুতিকীকৰণৰ প্ৰকল্পটোকে আজিলৈকে সমাপ্ত হোৱা নাই। আনকি উত্তৰ পূবৰ সকলো ৰাজ্যৰে ৰাজধানীক ৰে’লেৰে সংযোগ কৰা হ’ব বুলি মোদী চৰকাৰে কৰি অহা ঘোষণাও আজিও পূৰণ হোৱা নাই। এইবোৰ পূৰণ হব নে ?
(১৬) বৃক্ষ অৰ্থনীতিৰ দিশে কৃষকক লৈ যোৱাৰ বাবে অমৃত বৃক্ষ আন্দোলনৰ বাবে আহ্বান জনাইছিল । প্ৰতিশ্ৰুতি দিয়া হৈছিল ১০,০০০ হেজাৰকৈ লাভ কৰিব ধন কিন্তু সেই ধন কিমান জনে পালে তাৰ হিচাপ আছে নে ? লাখ পতি বাইদেউ সজাই সভালে নিলে ঠিকেইl, সেই ধন তেওঁলোকে লাভ কৰিলে জানো ?
(১৭) Advantage Assam 1. 0 ত প্ৰকৃততে কিমান বিনিয়োগ হৈছিল ?
(১৮) অসম তথা ঋণগ্রস্থ অসম হিচাপে ভাৰতবৰ্ষৰ ভিতৰত তৃতীয় ৰাজ্য হিচাপে পৰিগণিত হৈছে। 2023-24 বিত্তীয় বৰ্ষৰ অন্তত অর্থাৎ চলিত বৰ্ষৰ বিগত ৩১ মার্চ পর্যন্ত অসমৰ মুঠ ঋণৰ পৰিমাণ হৈছে ১,৫০,৯০০ কোটি টকা। ইয়াৰ পিছতো ঋণ লোৱা হৈছে কেইবাবাৰো। ২০২৫ বৰ্ষৰ জানুৱাৰী মাহত দুটা পৰ্যায়ত মুঠ ১০০০ কোটি টকাৰ ঋণ লোৱা চৰকাৰখনে যোৱা ৪ ফেব্ৰুৱাৰীতো ৯০০ কোটি টকাৰ ঋণ লৈছিল। বিত্তীয় বৰ্ষ সমাপ্ত হোৱাৰ পূৰ্বে ৰাজ্য চৰকাৰখনে আৰু প্ৰায় ১৫০০ কোটি ঋণ লোৱাৰ বাবে লক্ষ্য স্থিৰ কৰিছে। এনেকৈ অসম উন্নতিৰ পথত নে অৱনতিৰ পথত ? Double Engine চৰকাৰৰ সময়ত অসমৰ এই আৰ্থিক দুৰ্দশা কিয় ?
(১৯) অসমৰ মাননীয় মুখ্যমন্ত্ৰী NEDA ৰ আহ্বায়ক। আন্তঃৰাজ্যিক সীমা সমস্যা সমাধান দিব পাৰিব নে ?
(২০) মণিপুৰৰ হিংসাত্মক পৰিস্থিতিৰ পিছতো সেই বিষয়ত কোনো ব্যৱস্থা গ্ৰহণ নকৰাৰ লগতে মৌনতা অৱলম্বন কৰাৰ কাৰণ কি আছিল ? এইখন উত্তৰ পূৱৰ প্ৰতি কাণসাৰ নাই নেকি, অসম তথা উত্তৰ-পূৰ্বাঞ্চলৰ বাবে ধার্য কৰা ধনৰ সিংহভাগেই ব্যয় কৰিব পৰা নাই উত্তৰ-পূবৰ বাবে ধাৰ্য ৮৭,৭৩৫.৯৬ কোটিৰ মাত্র ৫৯.৫৮ কোটি টকাহে ব্যৱহাৰ হৈছে।
সততে প্ৰশ্ন হৈছে এইয়া অমৃত কাল নে সংকট কাল ? আমি আশা কৰিছোঁ এইবাৰ অসম ভ্ৰমণৰ সময়ত সন্মানীয় প্ৰধান মন্ত্ৰী ডাঙৰীয়াই ৰাইজৰ প্ৰশ্ন বোৰৰ উত্তৰ দিব আৰু এই সমস্যা বোৰৰ সমাধান ঘোষণা কৰি যাব।
