কৃত্ৰিম বুদ্ধিমত্তাৰ যুগত সৃষ্টি হৈ আছে চমকপ্ৰদ আৱিষ্কাৰ। শেহতীয়াকৈ মাইক্ৰ’ছফটে উদ্ভাৱন কৰিছে “Dragon Copilot” নামৰ নতুন ভইচ এক্টিভেটেড AI এচিষ্টেণ্ট। Microsoftৰ Dragon Copilot হৈছে এটা কৃত্ৰিম বুদ্ধিমত্তা (AI) সহায়ক, যি চিকিৎসকৰ কাৰ্যসমূহ সহজ কৰি তুলিবলৈ ডিজাইন কৰা হৈছে। হৈছে চিকিৎসা ব্যৱস্থাত স্বয়ংক্ৰিয় নথিপত্ৰ তৈয়াৰৰ যুগান্তকাৰী পদক্ষেপ। এই ব্যৱস্থাই Nuanceৰ voice ক AI প্ৰযুক্তি ব্যৱহাৰ কৰি চিকিৎসা ক্ষেত্ৰত AIৰ ব্যৱহাৰক আগবঢ়াইছে। ইয়াত প্ৰাকৃতিক ভাষাৰ কণ্ঠ ডিক্টেচন আৰু এম্বিয়েণ্ট লিষ্টিং প্ৰযুক্তিৰ ব্যৱহাৰ কৰা হৈছে। ইয়াক চিকিৎসক আৰু স্বাস্থ্যসেৱা পেছাদাৰীসকলক ক্লিনিকেল নোট আৰু কাগজ-পত্ৰ লিপিবদ্ধ কৰাত সহায় কৰাৰ লগতে চিকিৎসাৰ উৎসৰ পৰা দ্ৰুতভাৱে তথ্য বিচাৰি উলিওৱাত সহায় কৰিবলৈ ডিজাইন কৰা হৈছে। এই ক্ষমতাসমূহক জেনেৰেটিভ এআই ব্যৱহাৰ কৰি অধিক সুক্ষ্মভাৱে সংশোধন কৰা হৈছে আৰু স্বাস্থ্যসেৱাৰ সুৰক্ষাসমূহ অন্তৰ্ভুক্ত কৰিবলৈ খাপ খুৱাই লোৱা হৈছে। ইয়াক বক্তৃতা চিনাক্তকৰণ কোম্পানী নুয়েন্স কমিউনিকেশ্যনে ৰ’ল আউট কৰা ড্ৰেগন মেডিকেল ৱান (DMO) আৰু ডেক্সৰ দৰে বৰ্তমানৰ সঁজুলিৰে নিৰ্মাণ কৰা হৈছে।
Dragon Copilot ৰ মূখ্য সুবিধাসমূহৰ ভিতৰত আছে স্বয়ংক্ৰিয় নথিপত্ৰ প্ৰস্তুতকৰণ। চিকিৎসক আৰু ৰোগীৰ কথোপকথন শুনি স্বয়ংক্ৰিয়ভাৱে উচ্চ গুণগত মানদণ্ড ভিত্তিক নোট প্ৰস্তুত কৰে, যাৰ ফলত চিকিৎসকে ৰোগীৰ সৈতে অধিক সময় ব্যয় কৰিব পাৰে। বিশ্বাসযোগ্য চিকিৎসা তথ্য প্ৰদান কৰাত সহায় কৰে। বিশ্বাসযোগ্য উৎসৰ পৰা চিকিৎসা তথ্য অনুসন্ধান কৰি চিকিৎসকক সঠিক সিদ্ধান্ত লোৱাত সহায় কৰে।
এই প্ৰযুক্তিৰ লক্ষ্য হৈছে চিকিৎসকৰ কৰ্মভাৰ হ্ৰাস কৰি ৰোগীৰ যত্নত অধিক মনোনিৱেশ কৰিবলৈ সক্ষম কৰা। মাইক্র’চফ্টৰ মতে, এই ব্যৱস্থাই চিকিৎসকৰ কাৰ্যক্ষমতা বৃদ্ধি আৰু ৰোগীৰ সন্তুষ্টি উন্নত কৰিবলৈ সহায় কৰে। ইয়াক মোবাইল এপ, ব্ৰাউজাৰ বা ডেস্কটপৰ জৰিয়তে প্ৰৱেশযোগ্য, আৰু ই কেইবাটাও ভিন্ন ইলেক্ট্ৰনিক স্বাস্থ্য ৰেকৰ্ডৰ সৈতে পোনপটীয়াকৈ একত্ৰিত হয়। Dragon Copilot ২০২৫ চনৰ মে মাহত যুক্তৰাষ্ট্ৰ আৰু কানাডাত উপলব্ধ হ’ব, তাৰ পিছত যুক্তৰাজ্য, জাৰ্মানি, ফ্ৰান্স, আৰু নেদাৰলেণ্ডছত মুক্তি পাব।
