ডাৰ্ক চকলেট হৈছে সোৱাদ আৰু স্বাস্থ্যৰ সঠিক মিশ্ৰণ। ডাৰ্ক চকলেট এক ধৰণৰ চকলেট, য’ত চেনী কম আৰু কোকাৰ পৰিমাণ বেছি থাকে । ইয়াৰ ৰং সাধাৰণতে ডাৰ্ক আৰু মিষ্টিৰ পৰা অধিক তিক্ত। ডাৰ্ক চকলেট অক্সিডেন্ট প্ৰতিৰোধী , ডাৰ্ক চকলেটত অ্যান্টিঅক্সিডেন্ট থাকে, যি দেহৰ কোষবোৰক ক্ষতিৰ পৰা ৰক্ষা কৰিবলৈ সহায় কৰে। ডাৰ্ক চকলেটত এনে পুষ্টিকৰ উপাদান থাকে যিয়ে আপোনাৰ স্বাস্থ্যৰ ওপৰত ইতিবাচক প্ৰভাৱ পেলাব পাৰে।
কেক’ গছৰ বীজৰ পৰা তৈয়াৰী এইবিধ এন্টিঅক্সিডেন্টৰ অন্যতম উত্তম উৎস।
অধ্যয়নত দেখা গৈছে যে ডাৰ্ক চকলেটে আপোনাৰ স্বাস্থ্য উন্নত কৰাৰ লগতে হৃদৰোগৰ সম্ভাৱনা কম কৰিব পাৰে। ডাৰ্ক চকলেটত থিওব্ৰোমাইন থাকে, যি মস্তিষ্কত আনন্দজনক অনুভূতি সৃষ্টি কৰিব পাৰে।
ডাৰ্ক চকলেটত থকা ফ্লেভেন’ইডে ধমনীসমূহৰ আৱৰণ এণ্ডোথেলিয়ামক উদ্দীপিত কৰি নাইট্ৰিক অক্সাইড (NO) উৎপন্ন কৰিব পাৰে।
নাইট্ৰিক অক্সাইড ৰ এটা কাম হ’ল ধমনীবোৰলৈ শিথিল হ’বলৈ সংকেত প্ৰেৰণ কৰা, যাৰ ফলত তেজৰ সোঁতৰ প্ৰতিৰোধ ক্ষমতা হ্ৰাস পায় আৰু সেয়েহে ৰক্তচাপ হ্ৰাস পায়। বহুতো নিয়ন্ত্ৰিত অধ্যয়নে দেখুৱাইছে যে ক’ক’ আৰু ডাৰ্ক চকলেটে তেজৰ সোঁত উন্নত কৰি ৰক্তচাপ হ্ৰাস কৰিব পাৰে, যদিও ইয়াৰ প্ৰভাৱ সাধাৰণতে মৃদু।
ক’ক’ৰ পৰিমাণ বেছি থকা মানসম্পন্ন ডাৰ্ক চকলেট কিনে, তেন্তে ই যথেষ্ট পুষ্টিকৰ। ইয়াত যথেষ্ট পৰিমাণৰ দ্ৰৱণীয় আঁহ থাকে আৰু ই খনিজ পদাৰ্থৰে ভৰপূৰ। মানসম্পন্ন ডাৰ্ক চকলেটত আঁহ, আইৰণ, মেগনেছিয়াম, কপাৰ, মেংগানিজ, আৰু আন কেইটামান খনিজ পদাৰ্থ প্ৰচুৰ পৰিমাণে থাকে।ডাৰ্ক চকলেটত কেফেইন আৰু থিওব্ৰ’মাইনৰ দৰে উদ্দীপক পদাৰ্থও থাকে, কিন্তু ই আপোনাক ৰাতি সজাগ কৰি ৰখাৰ সম্ভাৱনা কম, কাৰণ কফিৰ তুলনাত কেফেইনৰ পৰিমাণ অতি কম।
ডাৰ্ক চকলেট জৈৱিকভাৱে সক্ৰিয় আৰু এন্টিঅক্সিডেন্ট হিচাপে কাম কৰা জৈৱ যৌগৰে ভৰপূৰ। ইয়াৰ ভিতৰত পলিফেনল, ফ্লেভানল আৰু কেটেচিন আদি অন্যতম। গৱেষণাৰ মতে, ডাৰ্ক চকলেটত থকা পলিফিনলে আলমণ্ড আৰু ক’ক’ৰ দৰে অন্যান্য খাদ্যৰ সৈতে মিহলি কৰিলে কিছুমান প্ৰকাৰৰ LDL কলেষ্টেৰল হ্ৰাস কৰাত সহায় কৰিব পাৰে।
ডাৰ্ক চকলেট হৃদয় আৰু মনৰ বাবে এক সুস্থ পছন্দ । অৱশ্যেই, অধিক পৰিমাণে খোৱা সঁচাকৈ পৰামৰ্শযোগ্য নহয়, কাৰণ ইয়াৰ ক্যাল’ৰী আৰু চর্বিৰ পৰিমাণ বেছি থাকে।
