‘পুষ্পা-২ দ্যা ৰাইজ’ (Pushpa: The Rise‘ৰ অভূতপূৰ্ব সফলতাৰ পিছত ‘পুষ্পা-২ দ্যা ৰুল (Pushpa 2: The Rule) য়ে মুক্তিপ্ৰাপ্ত লাভ কৰে।
এইখন হৈছে ভাৰতীয় তেলেগু ভাষাৰ এখন একশ্যনধৰ্মী নাট্য চলচ্চিত্ৰ ২০২১ চনৰ চলচ্চিত্ৰ পুষ্পা: দ্য ৰাইজৰ ছিকুৱেল। ছবিখনৰ কেন্দ্ৰীয় চৰিত্ৰত অভিনয় কৰিছে অল্লু অৰ্জুনে, যাৰ বাবে শ্ৰেষ্ঠ অভিনেতৰ খিতাপ লাভ কৰিছিল। পুষ্পাৰ ক্ষেত্ৰতো সেই অভিনেতাজনৰ একেই “swag” বজাই ৰাখিছে। ৰঙা চন্দনৰ এটা চালান জাপানৰ য়োকোহামা বন্দৰত গৈ পায়। য’ত শ্ৰমিকসকলে এটা কণ্টেইনাৰৰ ভিতৰত পুষ্পাক লুকাই থকা দেখি স্তম্ভিত হৈ পৰে। পুষ্পাই তেওঁলোকক আক্ৰমণ কৰে, লোডৰ বাবে ধন দিবলৈ দাবী কৰে। কিন্তু শ্ৰমিকসকলে গুলীয়াই দিয়াত তেওঁ সাগৰত পৰি যায়, যাৰ ফলত ফ্লেছবেকৰ সূচনা হয়। ছবি খনত পুষ্পাই নিজৰ স্থিতি আৰু শাসন সুদৃঢ় কৰিব পাৰিবনে নাই সেই বিষয়ে কাহিনীটোৱে গুৰুত্ব দিছে। ৰঙা চন্দন কাঠৰ চোৰাং ব্যৱসায়ৰ পৰা পুস্পাৰ যথেষ্ট ধন আছে, কিন্তু ইয়াৰ দ্বাৰা তেওঁ হাহাকাৰ কৰা সন্মান, উচ্চতা আৰু ক্ষমতা দিব পাৰিবনে? পুষ্পাই নিজৰ বাবদ ধন উলিয়াবলৈ আন কোনো উপায় নাছিল নেকি ?
‘পুষ্পা ২: দ্যা ৰুল ‘ত হাইলাইট হৈছে এক আচৰিত ধৰণৰ ‘গংগাম্মা জাটাৰা’ ক্ৰম, য’ত পুষ্পৰাজে শাৰী পিন্ধিছে। আল্লুৰ শ্ৰেষ্ঠ প্ৰদৰ্শন হৈছে কালী অৱতাৰত তেওঁৰ তাণ্ডৱ নৃত্য। তাৰকাগৰাকীয়ে শাৰী-চুড়ি পিন্ধাৰ পিছত এগৰাকী মহিলাৰ ৰূপ লৈ চূড়ান্ত পুৰুষত্বৰ বাৰ্তা প্ৰদান কৰিছে, যিটো অত্যন্ত আকৰ্ষণীয় দৃশ্য হিচাপে পৰিগণিত হৈছে। আল্লু অৰ্জুনে এণ্ড্ৰজিনাছ অৱতাৰত উগ্ৰতা আৰু নাৰীসুলভ দুয়োটাকে ৰঞ্জিত কৰিব পাৰিছে। মিৰেছল’ কুবা ব্ৰ’জেকৰ চিনেমেট’গ্ৰাফী, আৰু ৰামকৃষ্ণ আৰু মনিকা প্ৰডাকচন ডিজাইনে ফ্ৰেমবোৰ অসংখ্য বৰ্ণিল ৰংৰে ভৰাই তোলে, গাঁৱলীয়া উত্তেজনাক ইয়াৰ সকলো গৌৰৱৰে ধৰি ৰাখিছে।
ক্ৰাইম আৰু একশ্যন থ্ৰিলাৰ চিনেমাখনৰ দৈৰ্ঘ্য প্ৰায় ৩ ঘন্টা ২১ মিনিটৰ ছিকুৱেলখন চোৱাৰ আগতে অনুৰাগী আৰু সমালোচক উভয়ে প্ৰথম অংশটো পুনৰ চোৱাৰ সম্ভাৱনা আছে। পৰিচালক সুকুমাৰে ভৱিষ্যতৰ অলপ আভাস দি অতীতৰ কাহিনীলৈ গৈছে। পুষ্পাৰ শৈশৱৰ যন্ত্ৰণা আছে। অতীতৰ সেই ছাঁটোৱে পুষ্পাৰ বৰ্তমানকো আতংকিত কৰে। প্ৰথম খণ্ডৰ মুকলি এনিমেচনে দেখুৱাই ৰঙা চন্দনৰ বিশ্বব্যাপী চাহিদা, পিছলৈ ৰঙা চন্দনৰ দৰে পুষ্পেও আন্তঃৰাষ্ট্ৰীয় পৰ্যায়লৈ লৈ গৈছে। পুষ্প ২: দ্য ৰুলৰ দুটামান দৃশ্যই দেখুৱাইছে যে কেনেকৈ পুষ্পা এতিয়াও পুলিচৰ বাবে দুঃস্বপ্ন হ’ব পাৰে, আৰু এইবাৰ অহংকাৰী ভানোৱাৰ সিং শ্বেকাৱাট (ফহাধ ফাচিল)ৰ নেতৃত্বত।
‘পুষ্পা ২: দ্য ৰুল’ ত প্ৰথম খণ্ডৰ দৰে একেখিনি কথাই অধিক আগবঢ়াইছে। ইয়াত পুষ্পা আৰু শেখাৱতৰ মাজত এক দীৰ্ঘদিনীয়া অহমিকা যুদ্ধ উপস্থাপন কৰা হৈছে। শেখাৱত কৌশলী হোৱাতকৈ নিজৰ অসাৰ ইগোৰ দ্বাৰা গ্ৰাস কৰা মানুহ বুলি দেখুওৱা হৈছে। নাৰীৰ ওপৰত যৌন হিংসাৰ ভাবুকি সঘনাই ব্যৱহৃত হৈছে। ছবিখনৰ কিছু ক্ষেত্ৰত দুৰ্বলতা থকা স্বত্তেও জনপ্ৰিয়তাৰ শীৰ্ষত উপনীত হোৱাৰ সম্ভাৱনা আছে।
